သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီးရုံးအတွက် လစ်လပ်လျက်ရှိသည့် အငယ်တန်းစာရေး ရာထူး ဝန်ထမ်းလျှောက်လွှာခေါ်ယူခြင်း

၁။      သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီးရုံး (ပတ်ဝန်းကျင်ထိန်းသိမ်းရေးနှင့်သစ်တော‌ရေးရာ)တွင် လစ်လပ်လျက်ရှိသည့် အငယ်တန်းစာရေး (လစာနှုန်းကျပ် ၁၈၀၀၀၀-၂၀၀၀-၁၉၀၀၀၀) ရာထူး (၆) နေရာအတွက် အောက်ဖော်ပြပါ သတ်မှတ် အရည်အချင်းပြည့်မီသူများ လျှောက်ထားနိုင်ပါသည်။ ဦးစွာပေးပို့လာသည့် လျှောက်လွှာ(၃၀)ကိုသာ လက်ခံမည်ဖြစ်ပါသည်။

၂။       လျှောက်ထားသူသည်-

၃။      လျှောက်လွှာပုံစံများကို သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၏ Website ဖြစ်သော www.monrec.gov.mm ၌ download ရယူနိုင်ပြီး ပြည်ထောင်စုဝန်ကြီးရုံး၊ ရုံးအမှတ်(၂၈)၊ နေပြည်တော်သို့  ၂၄-၁၂-၂၀၂၅ ရက် (ဗုဒ္ဓဟူးနေ့) နောက်ဆုံးထား၍ လူကိုယ်တိုင် ဖြစ်စေ ၊ ကိုယ်စားဖြင့်ဖြစ်စေ ၊ စာတိုက်မှတစ်ဆင့်ဖြစ်စေ လျှောက်ထားနိုင်သည်။

၄။      စာမေးပွဲဖြေဆိုခွင့် ခုံအမှတ်များကို ၂၉-၁၂-၂၀၂၅ ရက် (တနင်္လာနေ့)တွင် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ၊ ပြည်ထောင်စုဝန်ကြီးရုံး ၊ ရုံးအမှတ်(၂၈)၌ ရုံးချိန်အတွင်း ထုတ်ပေးသွားမည်။

၅။    လျှောက်လွှာနှင့်စပ်လျဉ်း၍ သတ်မှတ်ထားသော စာရွက်စာတမ်း မပြည့်စုံလျှင်သော်လည်းကောင်း၊ လျှောက်လွှာလက်ခံရန် သတ်မှတ်ထားသောရက်ထက် နောက်ကျရောက်ရှိလျှင်သော်လည်းကောင်း၊ လျှောက်လွှာအရေအတွက်(၃၀)ထက် ကျော်လွန်လျှင်သော်လည်းကောင်း လျှောက်လွှာများကို လက်ခံစဉ်းစားမည်မဟုတ်ပါ။

၆။      အရည်အချင်းစစ်ရေးဖြေစာမေးပွဲတွင် မြန်မာစာ၊ အင်္ဂလိပ်စာ၊ အထွေထွေဗဟုသုတဘာသာရပ် များကို စစ်ဆေးမည်ဖြစ်ပြီး  ၃၀-၁၂-၂၀၂၅ ရက် (အင်္ဂါနေ့)တွင် နံနက် ၀၉း၃၀ နာရီမှ ၁၂း၃၀ နာရီ အထိ ရုံးအမှတ်(၂၈)၊ နေပြည်တော်တွင် ဖြေဆိုရမည်ဖြစ်ပါကြောင်းနှင့်  အရည်အချင်းစစ်ရေးဖြေ စာမေးပွဲအောင်မြင်သူများကိုသာ လူတွေ့စစ်ဆေးခြင်းပြုလုပ်မည်ဖြစ်ပါသည်။

၇။      လူတွေ့ဖြေဆိုခွင့် ရရှိသူများစာရင်းကို ဆက်သွယ်အကြောင်းကြားပေးမည်ဖြစ်ပြီး လူတွေ့ စစ်ဆေးချိန်အတွင်း ဘွဲ့လက်မှတ် ၊ နိုင်ငံသားစိစစ်ရေးကတ် ၊ တက္ကသိုလ်ဝင်တန်းအောင်လက်မှတ်၊ အခြားအောင်လက်မှတ်များ၊ အလုပ်သမားမှတ်ပုံတင်မူရင်း စသည်တို့ကိုတင်ပြရမည်။

၈။      လူတွေ့ဖြေဆိုခွင့် ရရှိသူများအား လူတွေ့စစ်ဆေးခြင်း၊ ကွန်ပျူတာလက်တွေ့စစ်ဆေးခြင်း တို့ကို ၇-၁-၂၀၂၆ (ဗုဒ္ဓဟူးနေ့) နံနက် ၀၉:၃၀ နာရီ ဆောင်ရွက်ပါမည်။

၉။      ရွေးချယ်ခြင်းခံရသူများသည် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီးရုံး(ပတ်ဝန်းကျင်ထိန်းသိမ်းရေးနှင့်သစ်တောရေးရာ)တွင် အနည်းဆုံး(၃)နှစ် တာဝန်ထမ်းဆောင်ရမည်။

၁၀။    အသေးစိတ်သိရှိလိုပါက သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီးရုံး၊ ရုံးအမှတ်(၂၈) ၊ နေပြည်‌တော် တယ်လီဖုန်းအမှတ် ၀၆၇-၄၀၅၀၇၂ / ၀၆၇-၄၀၅၃၈၃ သို့ ရုံးချိန်အတွင်း ဆက်သွယ်စုံစမ်းနိုင်ပါသည်။

လျှောက်လွှာပုံစံရယူရန် Download