သတင်းများ

နေပြည်တော်၊ ၂၈−၆−၂၀၂၁
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးခင်မောင်ရီသည် ၂၀၂၁ ခုနှစ် ဇွန်လ ၂၇ ရက်နေ့ နေ့လယ်ပိုင်းတွင် စစ်ကိုင်းတိုင်းဒေသကြီး၊ စစ်ကိုင်းမြို့နယ်ရှိ အပူပိုင်းဒေသစိမ်းလန်းစိုပြည်ရေးဦးစီးဌာနက တည်ထောင်ထားသော ကောင်းမှုတော်ပျိုးဥယျာဉ်အတွင်း အပူပိုင်းဒေသတွင်ပေါက်ရောက်သော သစ်မျိုး ၂၂ မျိုး၊ ပျိုးပင် ၄၅၀၀၀ ပျိုးထောင်ထားရှိမှုအခြအနေအား ကြည့်ရှုစစ်ဆေးသည်။

နေပြည်တော်၊ ၂၇−၆−၂၀၂၁
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးခင်မောင်ရီသည် ၂၀၂၁ ခုနှစ် ဇွန်လ ၂၆ ရက်နေ့ နံနက်ပိုင်းတွင် မန္တလေးတိုင်းဒေသကြီး၊ နွားထိုးကြီးမြို့နယ်၊ မင်းစုံအပတောရှိ အပူပိုင်းဒေသစိမ်းလန်းစိုပြည်ရေးဦးစီးဌာနက တည်ထောင် ထားသော ၁/၂၀၂၀ ကျေးရွာသုံးထင်းစိုက်ခင်း ၄၅ ဧကနှင့် သစ်တောဦးစီးဌာနက တည်ထောင် ထားသော ကျေးရွာပိုင်ထင်းစိုက်ခင်း တစ်ရွာ ၂ ဧကတို့၏ ရှင်သန်အောင်မြင်မှု အခြေအနေအား ကြည့်ရှုစစ်ဆေးရာ သက်ဆိုင်ရာစိုက်ခင်းတာဝန်ခံနှင့် အပူပိုင်းဒေသစိမ်းလန်းစိုပြည်ရေးဦးစီးဌာန ညွှန်ကြားရေးမှူးချုပ်နှင့် သစ်တောဦးစီးဌာန ဒုတိယညွှန်ကြားရေးမှူးချုပ်တို့က ရှင်းလင်းတင်ပြပြီး ပြည်ထောင်စုဝန်ကြီးက လိုအပ်သည်များ လမ်းညွှန်မှာကြားသည်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးခင်မောင်ရီသည် ၂၀၂၁ ခုနှစ် ဇွန်လ ၆ ရက်နေ့ နံနက်ပိုင်းတွင် ဧရာဝတီတိုင်းဒေသကြီး၊ ပုသိမ်မြို့သို့ရောက်ရှိရာ ဧရာဝတီတိုင်းဒေသကြီးစီမံအုပ်ချုပ်ရေးကောင်စီရုံးတွင် ဧရာဝတီတိုင်းဒေသကြီး စီမံအုပ်ချုပ်ရေးကောင်စီဥက္ကဋ္ဌ၊ ကောင်စီအဖွဲ့ဝင်များ၊ ဌာနဆိုင်ရာတာဝန်ရှိသူများနှင့်တွေ့ဆုံ၍ ဧရာဝတီတိုင်းဒေသကြီးအတွင်း ၂၀၂၁ ခုနှစ် မိုးရာသီ လမ်းဘေးဝဲ/ယာ တစ်အုပ် တစ်မစိုက်ပျိုးမည့် အစီအစဉ်များ၊ ကျေးရွာထင်းစိုက်ခင်း တည်ထောင်မည့် အစီအမံများ၊ သဘာဝဒီရေတောများ ထိန်းသိမ်းကာကွယ်ရေးနှင့် ဒီရေတောစိုက်ခင်းများ တည်ထောင်မည့် အစီအမံများ၊ အမျိုးသားအဆင့် စွန့်ပစ်ပစ္စည်း စီမံခန့်ခွဲမှုနှင့်ပက်သက်၍ အကောင်အထည်ဖော်ဆောင်ရွက်မည့် အစီအစဉ်များ၊ ဝန်ကြီးဌာနနှင့် တိုင်းဒေသကြီးစီမံအုပ်ချုပ်ရေးကောင်စီတို့ အပြန်အလှန် ပေါင်းစပ်ဆောင်ရွက်ရမည့် ကိစ္စများနှင့်ပက်သက်၍ ညှိနှိုင်းဆွေးနွေးသည်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးခင်မောင်ရီသည် တာဝန်ရှိသူများလိုက်ပါ၍ ၂၀၂၁ ခုနှစ် မေလ ၂၂ ရက်နေ့ နံနက်ပိုင်းတွင် မကွေးတိုင်းဒေသကြီး၊ ပခုက္ကူမြို့နယ်ရှိ အပူပိုင်းဒေသစိမ်းလန်းစိုပြည်ရေးဦးစီးဌာနက အကောင်အထည်ဖော်ဆောင်ရွက်နေသည့် တန့်ကြည့်တောင် အထူးစိမ်းလန်းစိုပြည်ရေး စီမံကိန်းဧရိယာအတွင်း နှစ်အလိုက်တည်ထောင်စိုက်ပျိုးခဲ့သော တစ်အုပ်တစ်မစိုက်ခင်းနှင့် အထူးစိမ်းစိုက်ခင်းများ၏ အောင်မြင်ရှင်သန်နေသည့်အခြေအနေများ၊ ၂၀၂၁ ခုနှစ် မိုးရာသီတွင်စိုက်ပျိုးမည့် အထူးစိမ်းစိုက်ခင်းများ၏ မြေကျင်းတူးပြီး စိုက်ရန်အသင့်ဖြစ်နေသည့်ခြေအနေများ၊ စိုက်ခင်းများအား ရေလောင်းစိုက်ပျိုးရန် ကွန်တိုမြောင်းများတွင် ရေပိုက်သွယ်တန်းထားရှိမှုနှင့် မြစ်ရေတင်ပြင်ဆင်ဆောင်ရွက်မှု အခြေအနေများ၊ သဘာဝတောကျန် ထိန်းသိမ်းကာကွယ်ထားမှု အခြေအနေများ၊ ၂၀၂၁ ခုနှစ် မိုးရာသီစိုက်ပျိုးရန် ပျိုးပင်များအား ယောချောင်းမှရေတင်၍ ပျိုးထောင်ထားရှိမှု အခြေအနေများအား ကြည့်ရှုစစ်ဆေးရာ အပူပိုင်းဒေသစိမ်းလန်းစိုပြည်ရေဦးစီးဌာန၊ ညွှန်ကြားရေးမှူးချုပ်နှင့် တာဝန်ရှိသူများက ရှင်းလင်းတင်ပြပြီး ပြည်ထောင်စုဝန်ကြီးက လိုအပ်သည်များ လမ်းညွှန်မှာကြားသည်။